MIKAKATI YA KUFAULU BAADA YA MOCK INAENDELEA

FIKRA KUBWA GROUP (23)

KIDATO CHA PILI – 2016

MABIBO SEKONDARI

Na Mwl Japhet E. Moshi

Ndugu mzazi/mlezi na wadau wote wa Fikra Kubwa Group salaam.

Leo wanafunzi wamemaliza mitihani yao ya Mock kidato cha pili, hivyo awamu ya kwanza ya maandalizi imeisha kwa maana ya Mock na sasa tunaelekea kwenye maandalizi makaubwa zaidi ya mtihani wa Taifa ambapo kuanzia kesho asubuhi mikakati yetu inaendelea kama ifuatavyo;

1.  Morning Prepo itaendelea kesho asubuhi kuanzia saa 12:00 mpaka saa moja na nusu, na Evening Prepo zitaendelea jioni kwa utaratibu wa awali mpaka saa 11:30 jioni. Hivyo kuanzia kesho atachelewa kurudi nyumbani na mimi nitakuwa nao muda wote shuleni jioni.

2.   Leo nimempa ratiba mpya ya kujisomea binafsi kuanzia kesho mpaka mwishoni mwa mwezi wa kumi na somo moja atalisoma kwa siku mbili kama ratiba yake inavyoonesha, Mzazi/mlezi msimamie mwanao na hakikisha ratiba inafuatwa vizuri nyumbani na mwanafunzi anasoma muda wote, kumbuka kupafanya nyumbani kuwe shule kwa ajili yake.

3.   Siku ya jumatatu jioni tutakuwa na DEBATE kati ya kundi la The Winners na Fikra Kubwa Motion inasem 

                        “Are single SEX Schools more EFFECTIVE Than Co-ed Schools?”  

      mwambie ajiandae vizuri kwa ajili ya motion hiyo ili aweze kuiwasilisha kwa wenzake wanaomtegemea ili kuleta ushindi kwa group letu.

4.   Jumamosi kutakuwa na mtihani wa somo la BIOLOGY msihi asilaze damu katika hili, mwisho wa mtihani mmoja ndio mwanzo wa mtihani mngine hivyo mtie moyo azidi kujituma kwa moyo wote katika masomo yake. Kila wakati mkumbushe azingatie Mbinu 30 za kusoma ili kufaulu.

Mtihani wa taifa haupo mbali hivyo jitihada za usimamizi zinahitajika ili mwanao aweze kufaulu kwa kiwango tunachokitaka, Kumbuka mwanafunzi mzuri hazuki, bali huandaliwa.

Imeandaliwa na:

Mwl Japhet E. Moshi

MLEZI FIKRA KUBWA GROUP

Tembelea blogu yetu

http://fikrakubwa.blogspot.com/

Na Ukurasa wetu Facebook

https://www.facebook.com/groups/1730512107203946/

KUJIFUNZA ZAIDI