WANAFUNZI WALIOMALIZA KIDATO CHA NNE MABIBO WAALIKWA KUJA KUONGEA NA FIKRA KUBWA GROUP

Sunday, 4 September 2016

WANAFUNZI WALIOMALIZA KIDATO CHA NNE MABIBO WAALIKWA KUJA KUONGEA NA FIKRA KUBWA GROUP

MREJESHO WA WAGENI WALIOALIKWA KUJA KUZUNGUMZA NA WANAFIKRA KUBWA

Na MwL MOSHI JAPHET E.

UTANGULIZI:

Tunashukuru ugeni wa Leo kutoka kwa wanafunzi wetu wa MABIBO mwaka 2013, 2014 na 2015 Lengo la kuwakaribisha wanafunzi hawa sita leo lilikuwa ni kuzungumza na WANAFIKRA KUBWA wawaeleze kuwa wanatakiwa kusoma sana na kuongeza bidii katika kusoma ili wafaulu kama wao walivyofaulu na ikibidi wawazidi kwani wao wanakila sababu ya kufaulu. IKUMBUKWE WANAFUNZI HAWA NI WALE WALIOMALIZA HAPA MABIBO KIDATO CHA NNE MIAKA ILIYOPITA NA KISHA KUFAULU VIZURI SAANA, Hivyo walialikwa kuja kuwasaidia wadogo zao kiushauri na kuwapa mbinu walizotumia wao kipindi chao ili wasikwame katika safari ya kuyafikia malengo yao.Nia yetu ni njema, kuwaambia wanafikra kubwa kuwa ELIMU ni kitu cha THAMANI hivyo waithamini.

Lengo kuu la ujio wao pia lilikuwa kuwawezesha Fikra Kubwa kuwa na ile dhamira ya dhati ya kuyapigania malengo yao na kuyafikia bila kukwamia njiani, pamoja na hayo pia wanaFikra Kubwa kupata Fursa ya kujua historia yao kuwa

· Anaongea na nani?

· Alitoka wapi?

· Sasa hivi yuko wapi?

· Na aliwezaje kufika alipo?

· Changamoto alizopitia na namna alivyozivuka

· Na kupewa ushauri kutoka kwao.

Hivyo basi:

Wageni wetu walipata nafasi ya kuzungumza na uongozi wa shule, na walimu wa kidato cha nne na pili,wamewashukuru saana walimu kwa msaada mkubwa waliowapa mpaka hapo walipofikia leo, Kutokana na majukumu mengine Mkuu wa shule alikaimu majukumu yake aliyokusudiwa na kutarajiwa kwa makamu wa shule ambapo aliwatambulisha wageni kwa FIKRA KUBWA na kupata fursa ya kila mgeni kuzungumza nao historia zao toka walipojiunga Mabibo mpaka walipofikia leo. alasiri ilipofika walimaliza kuzungumza na wanaFikra Kubwa kisha kumalizia na kuzungumza na wanafunzi wote wa kidato cha pili na nne, na mwisho kunywa nao vinywaji mwalimu mlezi alivyotoa tuwape.

Ujio huu kwa wanafikra kubwa ni jambo muhimu saana katika kujenga THAMANI ya Elimu ili waone umuhimu wa kusoma kwa bidii wawe mfano wa kuigwa na wakumbukwe na shule na kutokuwa na sababu za kufeli, hivyo baada ya watoa mada wote kuzungumza kwa nafasi yake kwa wanafikra kubwa tulifanya tathmini kwa kuwasikia wanafikra kubwa baada ya mada zilizowasilishwa walifurahi saana na pia wameshukuru saana ujio wao kwani haukuwa wa bure, na wameogopa kufeli wakaahidi kujituma ili wafaulu zaidi yao.

Ni kweli wanafikra kubwa wamejuzwa leo na wao kwa dhati kabisa wamejiridhisha kuwa hakuna sababu ya wao kufeli kabisa.Kila mtoa mada aliwaeleza kuwa ili waweze kuyafikia malengo yao ni lazima wajali

· Muda

· Wawe na malengo,

· Nidhamu ya hali ya juu saana

· Uthubutu na kutokukata tama,

· Wajifunze kuwasaidia na wengine

· Kuepuka makundi rika na kuchagua marafiki wazuri.

· Kuheshimu walimu

· Kusoma kwa bidii siku zote n.k

RAI YANGU

Rai yangu kwa wataaluma wengine na walezi shule nyingine ni kuwa watumieni wale Form IV waliomaliza katika shule zenu miaka iliyopita na wakafaulu vizuri kwa kiwango cha Division II au I kama wapo, kama hamna hata Division III sio mbaya, hawa wanafunzi wanajua mambo mengi kuliko tujuavyo sisi, leo nimejifunza mambo mengi kupitia kwao na nitayafanyia kazi.

Niwasihi wazazi/walezi wa wanafikra kubwa leo wakifika nyumbani kila mmoja akueleze amejifunza nini kutoka kwa wanafunzi walioalikwa leo shuleni, pia Umwambie mwanao mwaka huu asikubali kushindwa kufaulu, ajitume zaidi kwa muda huu mfupi uliobaki.

WANAFIKRA KUBWA TUNAAMINI WANAFUNZI WAZURI KITAALUMA HAWAZUKI TU, BALI HUANDALIWA.

Picha na Matukio: